Сообщение из Городищенского уезда Пензенской губернии

Автор: Максим Чернятевич | | относится к:

Сатира на господствующую церковь. Анекдот из журнала «Старообрядец», 1906 г.

В лето от сотворения мира 7413, от воплощения же Богаслова 1905, Тихону архиерею сущу Пензенскому и Саранскому, при благочинном Николае Александрове Петрове, октобрия месяца в тридесятый, день чреды же служения сущей иерея Василия Снежницкаго, предивно быст в Юлове; прииде сей выше рекомый служити службу уставную, бе же он недужен зело; гласи мусикийстии быша во чреве его. лица и тимпаны во главе его аки кузнецы, кующе железо. И служи утреню при болезни утробы своей, зрак же его и глас такожде беста мрачна зело. Прииде же чтец, именем Андрей Николаев сын, Постниковым именуемый, и воззрев на иерея Василия, сострада ему в сердце своем, и испроси у чтеца Феодора сына Ермиева, Быстрова именуемаго, пенязи, отъиде в улицу Семеновку, в дом мужа-корчемника слепорожденна Сергия, и даде ему пенязи. Слепорожденный же оный, приим пенязи, даде ему скляницу с питием от болезни чревныя. Принесе сие чтец Андрей сын Николаев в алтарь и даде Василию во время пения каноннаго. Василий со всяким вожделением испи половину благаго, а половину даде Андрею по заповеди «аще кто имать, да уделяет».

Кто весть яже в человеце: но вси народи, в церковном притворе стоящии, утверждаху, яко зело возвеселися сердце иерея Василия. И егда возгласи «Слава Тебе показавшему нам свет», ничесоже можаху глаголати народи, токмо со трепетом взираху на иерея. И тако бе до окончания утрени. Начаша служити обедню; иерей Василий бе весел зело, обласка диакона Постникова (имя ему Николай), своима рукама расчеса власы главы его и от избытка сердца зело много, облобыза устама своима, и целова чтеца Андрея в уста и ланиты, в ланиты и уста, и паки и паки, яко глаголати народом: «се рекрутов провожают жены». И се некия принесоша просфоры ко алтарю, да изымет иерей из них частицы, умершим иже и живым во спасение. Видев же сия Василий, негодова и взем со стола жертвеннаго едину от пяти просфория в десницу свою, верже ю во едину от баб сих. Вознегодова же и на Луку (Лукьян церков. сторож) кустаса церковнаго, его же удари в возрылие рыла его, по сих же глагола словеса неудобовразумительная, страшная и иноплеменная (матерная). Егда же чтец и певцы пояху «Верую» со всяким сладкогласием на клиросе церковном, иерей Василий в алтаре своем в веселии сердца своего вопия «ла-ла-ла»… Глас же его бе аки глас зверя, рыкающа в пустыни. Народи же дивишася зело и глаголаху друг ко другу: «поп сбесися», овии же — «упился есть вина»… Неции отверзоша в алтарь дверь северную, да видят глагол сей, но иерей затвори ю, посих же паки отверзе ю и показа людем Божиим десницу свою, яже бе оболчена в поручу, имуще персты согбены в кулак. И потрясе иерей десницею своею и взем ю, затвори алтарь. Окрест же стоящии людие устремишася к алтарю и возгласиша ко другу: имамы старосту, попечителя и кустодию всякую, да изведут вон иерея непотребна, ибо упился есть вина, да не будет храм наш корчемница… И молва бываше в храме, служение же прекратиша, а иерей Василий, шумящу народу, уже спа в алтаре своем, яко к тому не возмощи возбудити его. Кустодия же, сельский стражник и градский жандарм, оследоваша сия и идяста кийждо ко игемону своему и рекоста о приключившихся.

По двою или триех дниех последова о сем от клириков церкви Юловския письменное извещение, репортом именуемое, ко благочинному Петрову. Он же, сый тесть иерею Василию, грамоту сию скры… Но видя, яко ничтоже успеваем, но паче молва бывает, ноемврия в двадцать осьмый день посети весь Юловскую и со всяким тщанием изследова дело сие. Призва клирики оныя церкви и поединому застави их писати в обиталищи иерея Василия, яже слышаша и видеша. Они же со всяким утверждением письменно рекоша, яко ничесоже видеша и слышаша, точию иерея боляща и народ бушующ. Един же присовокупи, яко мятущуся народу в церкви, внезапу страха ради заболе чрево утробы его, и сего ради изыде из церкви вон и не виде кончину. И се января в день двадесят третий сего 1906 г. бысть следствие по делу сему. Вся же сия быша по грехом нашим.

2009-02-02 03:30 | Комментарии (0)
Связанные элементы
На пароходе
Сила молитвы
относится к: Categories:
Добавить комментарий

Добавьте комментарий в форме ниже. Только простой текст.

Вопрос: Когда отмечается Рождество Христово по новому стилю (ответ цифрами)?
Ваш ответ:
.
.
.